Ngebu ngebu
Refrain. Kozala na Maria eza esengo mingi,
Kozala mwana Mam'eza elengi mingi,
Tala ndenge nga na komi, na komi ngebu-ngebu (2x).
1. Na bolobeli ya Mama nga na zwa libala,
Na losambo na ye na bengami moboti,
Tala bana bakokola, nzoto ngebu-ngebu (2x)
Kimia pe bobot'ya Yezu kati na libota na nga.
2. Na bolobeli bwa ye na silisi kelasi,
Na losambo na ye lelo nga na komi'osala,
Tala ndenge nga na komi nzoto sembe-sembe,
Tala ndenge nga na komi na komi ngebu-ngebu e ... na seki
3. Na Na sengi na Yezu na nzela ya Mama e,
Ayanoli ngai na zui libiki lya nzoto,
Pe libiki lya molimo motema na nga e etondisami na nsaï
Ya kozala mwana Mama, mwana Maria ooooo.
4. Losambo ya Rosario yango bileyi bya nga,
Losambo ya sapele yango ebundeli na nga,
Tala ndenge banguna a bakueyi makadi kadi,
Tala ndenge nga na komi, na komi ngebu-ngebu ee.