Maria losako
Refrain. Maria losako, otondi ngrasya
Mokonzi azali na yo
Mama sambela mpo ya biso (2x)
1. Mpo ya botosi bwa yo
Ondimi kokumba zemi
Mpo obota Yezu Kristu
Mpo abikisa mokili
Sambela mpo ya biso basumuki
Totosaka Nzambe.
2. Mpo ya bolingi bwa yo
Okei kotala Elizabeti
Awa ayambi losako la yo
Mwana aningani o libumu
Atondi n’Elimo Santu
Sambela mpo ya biso basumuki
Topesa baninga boboto.
3. Mpo ya bosawa bwa yo
Ozalaki moto wa losambo
Osengelaki bato vino na libala ya Cana e
Sambela mpo ya biso basumuki
Topesa baninga esengo.
4. Mpo ya boyambi bwa yo
Na liwa lya Yezu o Kuruse
Ozalaki wana e
Ondimaki mpasi elongo na Ye
Sambela mpo ya biso basumuki
Totingama na Kristu.