Napesi mpe nalakeli na motema mosantu
Refrain. Napesi mpe nalakeli na Motema Mosantu
Mwa Mokonzi wa biso Yezu Kristu
Bomoto mpe bomoi bwa ngai,
Misala mpasi mpe minyoko mya ngai
Na ntina ‘te binama binso bia nzoto ya ngai
Bizala mpo ya kolinga, komemya
Mpe kokembela Ye Mokonzi wa ngai e
1. Mokano mwa ngai mozali bomipesi mobimba na Ye
Kosala manso mpo ya Bolingo bwa Ye
Na boboyi o motema mwa ngai mobimba
Maye manso makosepelisa Ye te
2. Nakozwa yo Motema Mosantu
Lokola ntina se moko ya Bolingo bwa ngai
Elikya ya libiki lya ngai, mosemboli ma ngai makanisi
Mobongisi mbeba ya bomoi bwa ngai
Mpe esika ya bopemi bwa ngai o ntango ya liwa
3. Motema Mosantu mokosembola ngai epai ya Nzambe Tata
Mpe mokobatela ngai na nkanda ya ye
Yango wana nakopesa Yo makanisi ma ngai manso
Awa nakobanga botau bwa ngai
Mpe nakolikya na bolamu bwa Yo
4. Zikisa o kati ya ngai manso maye makosepelisa Yo te
Mpe moto makasi na ntina ‘te bopeto bwa Bolingo bwa Yo
Bokomama o motema mwa ngai mpo nabosana Yo te
Mpe nakabwana na Yo mokolo moko te
5. Nalaki Yo o nkombo ya bolamu bwa yo
‘Te nkombo ya ngai ikomama na Yo
Mpamba te nalingi kotikala ata na bomoi to na liwa
Lokola se mosali wa Yo