Yaka elimo santu
Refrain. E e Elimo Santu e, Elimo ya Mokonzi yaka, okitela biso lelo
1. Tozangi boboto bolingo bwanya na mpiko o o,
Bosembo bosawa bondeko mpe kimya o mitema mya biso
1-5: Santisa biso banso ee, lendisa biso lelo
2. Mobondi wa mitema se Yo Nzambe Elimo o o,
Yaka kobondo mitema mizoki bampota
3. Tozangi makasi tobeleli Yo Nzambe Elimo o,
Yaka kobundela biso bitumba ya molimo tolembi
4. Yaka Elimo kita zikisa nionso ebe e,
Pelisa mwinda mwa Kristu o kati ya mitema mya biso
5. Mokambi wa Eklezya se Yo Nzambe Elimo o,
Yaka kotambwisa biso na mayele mpe na bwanya bwa Nzambe.