Mbonda ya pasika
1. Bosepela mampinga ma banzelu: esenngo
Nse yoka nsai eklezya mpe sepela: esenngo
okati ya tempelo eye butisani mpe nzembo: Kristu asekwi tosekwa biso naye
2. Mokonzi wa biso elombe ya banzelu:
Atondisi nse mobimba na nkembo ya Ye:
Mama Eklezya atondi na lokumu: Kristu asekwi tosekwa biso na ye
3. Tala pasika ya sika ya solo mpenza
Oyo bakoboma mpata mpata mpenza
Makila ma Ye masantisa bakristu: Kristu asekwi tosekwa biso na ye
4. Butu bonene obikisaki bana ba Israel:
Babimi o ezipe! bakatisi mbu etane:
opetoli bango mitema na limpata:
5. Butu bonene Kristu akataka minyololo mya liwa:
Abuti bo elombe, auti o nse ya mabele:
Amemi nse mobimba na ye Ye molongi wa etumba:
6. Butu bonene obotoloko ba Ezipeti biloko opesi ba Ebrei:
Osangisi likolo na nse biloko bya bato na bya Nzambe mei:
Butu bokobengama boyinani bokopesa boyokani:
7. Na butu boye bosantu kamata e Tata mosantu mwinda mwa biso:
Na yango babenisi bana ba ekolo ya Yo basangani bako bonzela Yo:
lokola nde mwa libonza lya mpokwa:
8. Tokosenga yo Mokonzi oyangela obatela mpe:
Ba nganga nzambe banso na bakristu banso ba nse:
Elongo na Papa mpe wa biso episkopo:
9. Bwakela mpe miso na Yo, na bakonzi bako yangela biso:
Kamba makanisi na mpe misala mya bango:
Lisanga moko bazala banso o likolo:
10. Nsai ya Pasika e! kala o mitema seko:
Tobwaka bisengo bya nse, tokangisa mitema se o likolo:
Tosangana na mokonzi Yezu mwinda mokopela seko: