Banso tosepela noel
Refrain. Noel banso tosepela, Noel Mwana Nzamb’abotami,
Noel banso tosepela , esengo e ( 2x)
1. Anzelu wa Mokonzi abimeli bakengeli mpata,
Alobi na bango e bobanga te,
Namemeli bino nsango ya malamu ya esengo,
Lelo o mboka Davidi baboteli bino Mobikisi.
2. Awa bakengeli mpata bayoki maloba ya Anzelu,
Bamilobeli tokende mbango o Bethelem,
Kotala mpe komona Mwana Nzambe,
Bayei mpe bakuti Maria na Yozefu,
Bamoni Mwana moke, alali o ndako ya bibwele.
3. Emoni bakengeli mpata, manso Anzelu alobaki,
Batondi n’esengo bakumisi Mwana Nzambe,
Bazongi o mboka koyebisa baninga e.
4. Banganga minzoto bayei o Yeruzalem,
Batuni wapi Mokonzi wa bayuda oy’abotami?
Tomoni monzoto mobimi o likolo, Toyei biso banso kokumisa Ye,
Toyei biso banso koyembela Ye, Toyei biso banso kobinela Ye,
Noel, Noel, Noel.