Yezu yaka
Refrain. Yezu yaka se Yo nde Mesiya
Mokili mokozila se Yo (2x)
1. Yaka, Yo liziba lya mai ma bomoi; Yaka obongola butu ya biso na moi
Na bozito’a masumu, tolingi tobika
Mokonzi obikisa, toboyi kozika.
2. Yaka Yo Bosembo bwa bato ba mawa; Yaka Yo Mosekwisi o mboka ya bawa
Ba ebubu, koyoka maloba obazongisela
Mosumuki mp’esengo ya ye omozongisela.
3. Okokaba bomoi bwa Yo, ngo Yezu; Okopesa nzoto ya Yo, ngo Yezu
Mpo moto azwa bomoi bokosila te
Yaka Yo vinu ya bomoi, kozila te.
4. Bakufa miso yaka kobamonisa; Bakufa makolo yak’obatelemisa
Mitema mipaswani oya noki kosono
Mayele mapusi ntembe mazwa bosolo
5. Boboto bwa Yo, ya ndenge ya mokili te;
Mpe bokonzi bwa Yo yango nde bosili te
Mesiya, bolingi bwa Nzambe’oya na nkembo
Yak’Emanuele tokoyamba Yo na nzembo.