Tolia nzoto ya mokonzi
Refrain. Tolia nzoto ya Mokonzi,
Tomele makila ma Mokonzi
Wana ezali libiki lya bakristu
E Nzambe yamba ngai na esengo
1. E Nzambe Mozalisi wa bato,
Zalisaka biso ntango inso,
Ntango tokolia mpe tokomele
Nzoto na makila ma Mokonzi e
2. E Yezu Mobikisi wa bato
Bikisaka biso ntango inso,
Ntango tokolia mpe tokomele
Nzoto na makila ma Yo Mokonzi e
3. Elimo, Mosantisi wa bato,
Santisaka biso ntango inso,
Ntango tokolia mpe tokomele
Nzoto na makila ma Mokonzi e
4. Mokolo mwa minei mosantu,
O butu bona bwa nsomo nsomo,
Yezu amikomisi bilei
O miso ma bayekoli ba Ye
5. E mama, mama santu Maria
Sambelela biso ntango inso
Ntango tokolia mpe tokomele
Nzoto na makila ma Mokonzi e