Nkembo na nzambe o likolo
Refrain. Nkembo na Nzambe o likolo
O nse boboto na bato ba bolingo
Nkembo nkembo, nkembo (bis)
1. Tata tokokumisa Yo e, tokoyembela Yo
Tokokumbamela Yo, tokotondo Yo
Mpo ya nkembo ya Yo enene
2. Mokonzi Nzambe se Yo e Nkumu wa likolo
Tata wa bokasi bonso, zwa nkembo
3. Mokonzi Yezu Kristu e, Mwana se moko wa Nzambe
Mokonzi Nzambe, Mwa Mpata ya Nzambe
Yo nde Mwana wa Tata
4. Yo moto okolongola masumu ma nse
Mwa Mpata yokela biso mawa e
Mwa Mpata ndima losambo la biso
5. Yo ofandi na nkembo ya Nzambe Tata
Yokela biso mawa
6. Yezu Kristu e, Yo moko Mosantu
Yezu Kristu e, Yo moko Mokonzi e, oleki banso
7. Elongo n’Elimo Santu
O nkembo ya Nzambe Tata e : amen
Nkembo na Tata : amen
Nkembo na Mwana: amen, Nkembo n’Elimo: amen