Moto wa boyambi
Refrain. Moto wa boyambi alakisa misala,
Boyambi bozangi misala ezali pamba,
Kanisa ndeko o kati ya Eklezya,
Mosala nini osalaka na boyambi bwa yo,
Kanisa ndeko epai ya baninga,
Mosala nini osalaka na boyambi bwa yo e.
1. E yo ndeko fungola matoi mpe oyoka,
Tala elanga ya Nzambe ezali monene, ezangi basali
Salela yango mpo ‘te ozwa libiki (e ndeko)
2. E yo ndeko fungola miso mpe omona,
Tala baninga mingi babosani Nzambe, babungi nzela ya libiki,
Lakisa bango mpo ‘te bazwa libiki (e ndeko)
3. E yo ndeko fungola motema mpe okanisa,
Tala baninga mingi bazali na mpasi, baluki lisalisi,
Osali nini mpo‘te basepela (e ndeko)
4. E yotalani boyambi bwa Abrama na libonza lya Mwana
Abonzeli Nzambe, abengami moto wa bosembo
Mpe azwi lifuti (e ndeko)
5. E yo ndeko, fungola motema na esengo,
Pesa na Tata Nzambe libonza lya yo e na motema moko, Akosepela mpe
akobosana yo te (e ndeko)
Coda
Sala ozwa litomba (2x)
1. Lokola nkoko Abrama : sala ozwa…
2. Lokola nkoko Isaki: sala…
3. Lokola nkoko Yakobo: sala…
4. lokola nkoko Moïse: sala…
5. lokola nkoko Davidi: sala….
6. Lokola Mama Maria: sala….
7. mpe na ba profeta banso.
8. Mpe na bapostolo banso…..
9. Na ba martiro ba Uganda….
10. lokola Ngondo Anuarite….
11. Lokola basantu banso: sala ….